የሹዋ ዕቅበተ እምነት አገልግሎት የእኛ ተልእኮ አማኞችን ጤናማ በሆነ ትምህርት በማስታጠቅ እና ወንጌልን እውነት የሚቃወሙትን በመጽሐፍ ቅዱሳዊው ብርሐን ከወንጌላውያን አማኞች ጋር በመሆን የክርስትና እምነትን እውነት ከሐሰተኛ ክስ እና ከምንፍቅና አስተምህሮ ሐይማኖትን መከላከል ነው። መጽሐፍ ቅዱሳዊ ትምህርቶችን(ካቴኪዝምን) ለማስተማር፣ የቤተ እምነት ልዩነቶችን ለማብራራት እና እንደ እስልምና፣ ራሳቸውን የሐዋርያት ቤ/ክ(ኢየሱስ ብቻ) ብለው ለሚጠሩት የምንፍቅና አንጃዎች እና እንደ ይሖዋ ምስክሮች ካሉ ሌሎች ሃይማኖታዊ ሥርዓቶች በስተጀርባ ያለውን እውነት ለማሳየት ቆርጠን ተነስተናል። ምክንዮአዊ በሆኑ ውይይቶች እና በበሰሉ ሙግቶች፣ ቅዱሳት መጻህፍትን መሰረት ባደረጉ ትምህርቶች እና ለታሪካዊው ክርስቲያናዊ ትውፊት ቁርጠኝነት፣ ቤተክርስቲያንን ለማጠናከር እና የኢየሱስ ክርስቶስን እውነት ለሚፈልጉ ሰዎች ለመድረስ እንፈልጋለን።